اسلامي نړۍ باید په کلکه د فلسطین ملاتړ وکړي
د ایران د بهرنیو چارو وزیر د فلسطین د له منځه وړلو لپاره د امریکا او صهیونیسټ رژیم له ګډ پلان سره د مقابلې لپاره د اسلامي همکاریو د سازمان د جدي حرکت لپاره د عربي او اسلامي هیوادونو د ملاتړ یادونه وکړه،او ویې ویل: "اسلامي نړۍ باید په کلکه د فلسطین ملاتړ وکړي."
زمونږ خبریال د ایرنا په حواله لیکلي، د ایران د بهرنیو چارو وزیر سید عباس عراقچي د عمان په پلازمینه مسقط کې د هند سمندر د څنډې هیوادونو د اتم کنفرانس په ترڅ کې د فارس خلیج د همکارۍ شورا له عمومي منشي جاسم محمد البدوي سره په لیدنه کې د غزې د خلکو د جبري بې ځایه کولو او نورو هیوادونو ته د هغوی د کډوالولو لپاره د امریکا-صهیونیسټي پلان په غندلو او مخالفت کې د عربي هیوادونو د دریځونو ستاینه وکړه.
عراقچي د قطر په پلازمېنه دوحه کې د ایران او د همکارۍ شورا د غړو هېوادونو د بهرنیو چارو وزیرانو د لومړۍ غونډې ترسره کېدو ته په اشارې ، د سیمې د هېوادونو ترمنځ د همکارۍ او همغږۍ سره سم، د سیمې د بدلونونو حساسیت او اهمیت ته په پام سره، د دواړو خواوو ترمنځ د دوامداره خبرو اترو او تفاهم پر اهمیت ټینګار وکړ.
دفارس خلیج د همکارۍ شورا عمومي منشي جاسم محمد البدوي د شورا او د ایران د اسلامي جمهوریت ترمنځ د متقابلو ګټو سره سم د خبرو اترو او تعامل د دوام هرکلی وکړ، د فلسطینانو د بې ځایه کولو لپاره د صهیونیسټ رژیم د هڅو په مخالفت او د دې خاورې د خلکو د حقونو د تحقق ملاتړ کې یې د شورا په روښانه دریځ ټینګار وکړ، او د اسلامي هیوادونو د بهرنیو چارو وزیرانو د بیړنۍ غونډې د جوړولو لپاره د ایران د وړاندیز هرکلی وکړ.
