د امریکا د ولسمشر پلان د تیریو د دوام نسخه ده
ایرنا خبري اژانس راپور راکړی د فلسطین د جهاد اسلامي غورځنګ مشر «زیاد النخاله» په یو لړ څرګندونو کښې ټینګار وکړ د غزې تړانګې لپاره د امریکا د ولسمشر ډونالډ ټرامپ پلان د صهیونیسټ رژیم پلان او د فلسطین په ملت باندې د تیري د دوام لپاره یوه نسخه ده.
هغه وویل هغه څه چې د امریکا د ولسمشر ټرامپ او د صهیونیسټ رژيم د لومړي وزیر نتانیاهو په خبري ناسته کښې اعلان شول یوه امریکايي او اسرائیلي موافقه ده او د اسرائیلو د رژیم غوښتنه ده.
د فلسطین د جهاد اسلامي غورځنګ مشر زیاد النخاله زیاته کړه دا نسخه د فلسطین په ملت باندې د تیري د دوام لپاره ده او اسرائیل هڅه کوي هغه شی چې د جنګ له لارې یې لاس ته رانه وړه د امریکا له لارې لاس ته راوړي.
النخاله وویل مونږ د امریکا او اسرائیلو دغه پلان د سیمې له تباهۍ سره د مخامخ کولو لپاره یوه نسخه ګڼو.
د صهیونیسټ رژيم رسنیو مخکې راپور ورکړی و چې د امریکا ولسمشر ټرامپ په غزې کښې د جنګ د ختمولو لپاره د صهیونیسټ رژيم په لومړي وزیر بنیامین نتانیاهو باندې د پام وړ دباو راولي.
دغه راز د فلسطین د حماس غورځنګ لورړتبه غړي «محمود مرداوي» پرون ټینګار وکړ مونږ له نورو فلسطیني ډلو سره یوځاې د امریکا په پلان غور کوو او زیاته کړه د امریکا د ولسمشر ټرامپ پلان مونږ او یا بلې هیڅ فلسطیني ډلې ته نه دی رسیدلی.
