د نړۍ پیاوړي پاسپورټونه د کومو هیوادونو دي؟
زمونږ خبریال راپور راکړی په روان دوه زره څلرویشتم(۲۰۲۴) میلادي کال کښې د دنیا د پیاوړي پاسپورټونو په درجه بندۍ کښې په لوړه سویه بدلونونه راغلي دي.
په دغه درجه بندۍ کښې د پاکستان پاسپورټ په یوسل لومړي(۱۰۱) لمبر کښې ورغلی دی او دغه راز د بنګلادیش ، د فلسطین د کورواکه تشکیلاتو ، صومالیا ، یمن ، ایتوپیا او د لیبیا په شان د هیوادونو پاسپورټونه له پاکستان څخه مخکی او بهتر دي.
د پاکستان په پاسپورټ باندې د دنیا څلوردیرش هیوادونو ته له ویزې پرته سفرونه کیدلای شي.
تر ټولو کم اهمیت لرونکی پاسپورټ د افغانستان دی چې په یوسل څلورم (۱۰۴)لمبر کښې راځي او د افغانستان په پاسپورټ باندې د دنیا اتویشتو هیوادونو ته سفر کیدلای شي.
له افغانستان څخه وروسته د سوریې پاسپورټ دی چې د نړۍ نهویشتو هیوادونو ته ورباندې سفر کیدلای شي.
د عراق پاسپورټ هم د نړۍ په یوسل دریم(۱۰۳) کښې لمبر کښې راځي چې یودیرشو هیوادونو ته ورباندې سفر کیدلای شي.
د دنیا په پیاوړي پاسپورټونو کښې د فرانسې ، د جرمني ، د ایټالیا ، د جاپان، د سینګاپور او د اسپانیا پاسپورټونه په سر کښې دي چې ورباندې د نړۍ یوسل څلور نوي هیوادونو ته سفر کیدلای شي او ویزې اخیستلو ته ضرروت نشته.
د ویلو ده چې جاپان او سینګاپور هیوادونو له تیرو پینځو کلونو راهسې لومړی مقام ترلاسه کړی دی چې اوس هم په دغه مقام پاتې دي.
دغه راز د اروپا فینلینډ او سویډن هیوادونو له جنوبي کوریا سره یوځاې د دنیا دوهم قوي پاسپورټونه لري .
اسټریا ، ډانمارک ، ایرلینډ او هالینډ هم د قوي پاسپورټونو دریم مقام ترلاسه کړی دی.
بیلجیم ، لوګزامبورګ، ناروې، پرتګالاو انګلستان د دنیا څلورم لمبر پاسپورټونه لري او یونان، مالټا او سویزرلینډ پینځم مقام لري او اسټرالیا او نیوزي لینډ او پولینډ د دنیا شپږم لمبر قوي پاسپورټونه لري او امریکا او کاناډا له هنګري هیواد سره یوځاې په اوم لمبر کښې ورغلي دي.
دغه راز هندوستان د نړۍ د قوي پاسپورټونو په درجه بندۍ کښې اتیایم مقام لري.
