ایران د عراق په لومړي وزیر حمله وغندله
زمونږ خبریال وايي د ایران د بهرنیو چارو د وزارت ویاند سعید خطیب زاده د عراق د لومړي وزیر د وژلو هڅه وغندله .
هغه نن د عراق د لومړي وزیر مصطفی الکاظمي د وژلو لپاره د ناکامه هڅې په غندلو سره د عراق له ثبات ، امنیت او ارامښت په ملاتړ کښې د ایران د اسلامي جمهوریت په ثابت او دوامداره دریځ ټینګار وکړ .
خطیب زاده د هغو دسیسو په هکله چې د عراق په امنیت او پرمختګ یې ګوزار کړی دی د ټولو خلکو د هوښیارۍ پرضرورت ټینګار سره دا ډول پیښې د هغو لورو د ګټو په لړ کښې وبللې کومو چې په تیرو اتلسو (۱۸) کلونو کښې د عراق په ثبات ، امنیت ، خپلواکۍ او ځمکنۍ بشپړتیا تیری کړی دی او د ترهګرو ډلو په جوړولو او د فتنې په رامینځته کولو سره خپلو سیمه ییزو سپیرو هدفونو ته د رسیدا کوشش کوي .
د ایران د خارجه وزارت ویاند سعید خطیب زاده د عراق د لومړي وزیر مصطفي په سالم پاتې کیدا باندې د خوښې په څرګندولوسره هیله وکړه چې د عراق خلک ،حکومت او سیاسي ډلې په اتحاد او پیوستون سره د هیواد د پراختیا او د غوړیدا سریزې برابرې کړي .
