ایران په سختو بایکاټونو کښې ډیر پرمختګونه کړي دي
ایرنا خبري اژانس وايي د ایران د اسلامي انقلاب د سپاه پاسداران ځواک قومندان برید جنرال حسین سلامي د تر ټولو بې ساري بایکاټونو په لګولو کښې د امریکا اقدام ته په اشارې سره وویل ایران په دغو شرایطو کښې اوڅاره پرمختګونه وکړل .
هغه وویل د ایران د اسلامي انقلاب د بریالیتوب له لومړیو څخه دوښمن په کمین کښې ناست دی او په هره پلمه یې د ایران د له مینځه وړلو او یا د ایران امنیت ته د ګوزار د ورکولو هڅه کړي ده خو هر ځل یې د ایران د ملت د بچیانو د سرشیندنو او د هوښیارۍ په وجه ماتي خوړلي ده .
د ایران د اسلامي انقلاب د سپاه پاسداران ځواک قومندان حسین سلامي په دې خبرې سره چې د امریکا په سپینه ماڼۍ کښې ناست توربخته کسان او د نړۍ په بیلابیلو سیمو کښې د هغوې ملګري د ایران ملت ته د ګوزار د ورکولو لپاره پلانونه جوړوي وویل د ایران د اسلامي انقلاب سپاه پاسداران د هغه مسئولیت پراساس چې لري يې دوښمن تعقیبوي او هغه څاري .
امریکا د دوه زره اتلسم میلادي کال د مي د میاشتې په اتمه نیټه له اټومي موافقې ووتله او د مخکنیو بندیزونو په لګولو سربیره یې د ایران پرضد نوي بایکاټونه هم ولګول .
