ایران د بشري حقوقو په هکله ادعا په کلکه رد کړه
ایرنا خبري اژانس راپور راکړی په ملګروملتونو کښې د ایران سفیر او دائمي استازي علي بحریني په هیواد کښې د بشري حقوقو د حالت په هکله د ځانګړي راپورټر جاوید رحمان په ادعا وړ راپور باندې سختې نیوکې سره خبرداری ورکړ چې د بشري حقوقو شورا له سیاست څخه له اغیزمنیدا واټن واخلي.
علي بحریني دغه موضوع پرون په جینیوا کښې د ملګروملتونو د بشري حقوقو د شورا په دوه پنځوسمې غونډې کښې مطرح کړه او ویې ویل له بشري حقوقو ملاتړ په زیاتیدونکي ډول د ځینو حکومتونو لخوا په غیر توجیه وړ او ځان منمه هدفونو سره په غلط ټول تعقبیږي.
په ملګروملتونو کښې د ایران سفیر علي بحریني په ایران کښې د بشري حقوقو د ځانګړي راپورټر جاوید رحمان په غیر حرفه اي کړچار باندې نیوکې سره وویل په خپل راپور کښې د جاوید رحمان ادعاګانې چې د یوه ټراجیډیک رومان په توګه بیان شوي دي په تیرو میاشتو کښې د یوشمیر لویدیځو حکومتونو او د هغوې د رسنیو او په دغو اروپايي هیوادونو کښې د دیره ترهګرو ډلو لخوا تکرار شوي دي.
هغه وویل دغو اروپايي هیوادونو کوشش کړی دی خپل تصورونه په ایران کښې د بشري حقوقو د حالت د حقیقت په توګه انځور کړي.
