ایران او هند د چابهار د بندر پراختیایي قرداد لاسلیکوي

د ایران د اسلامي جمهوریت د بندرونو د پراختیایي چارو مرستیال وویل چي هندوستان سره د چابهار د بندر د پراختیا قرداد چمتو شوی دی.

د ایران د بندرونو د پراختیایي چارو مرستیال علی فتحي زیاته کړه: د چابهار په بندر کې د فارس خلیج د هیوادونو په شمول له بهرنیو پانګونو هرکلی کوو.

هغه یادونه وکړه چي هندوستان سره د چابهار د ظرفیتونو د فعاله کولو په لړ کې د اوږدمهاله همکاریو قرداد چمتو شوی دی او په اړه یې خبرې اترې روانې دي.

چابهار د ایران په سیستان او بلوچستان ولایت کې واقع شوی دی چي مکران او هند بحیرې ته لاره لري.

د دې بندر د لارې افغانستان، ترکمنستان، ازبکستان، تاجیکستان، قرقیزستان او قزاقستان هیوادونه نړیوالو اوبو ته لاره موندلای شي.