ټول دینونه باید صهیونیسټي رژيم د ظلم په وړاندې ودریږي

 د ایران دعلمیه حوزو مدیر  په یولړ څرګندونو کې ووئيل،  ټول دینونه دې د صهیونیسټي رژيم د جنایتونو او ظلمونو په وړاندې مقاومت وکړي.

مهر خبری آژانس  راپور ورکړ، د ایران دعلمیه حوزو مدیر آیت ا...علی رضا اعرافي پرون ناوخته د شرقي آشوریانو دکلیسا له نړیوال رهبر پاټریّرک مار آوا روئيل  سره په کتنې کې ددې خبرې په کولو سره  چې  دینونه باید د بشریّت په اوسنیو چیلنجونو کې رغنده رول ولوبوي،زیاته کړه،د هغه ظلم او ستم نظام چې د نړۍ په معادلاتو کې شته دی،د هیڅ یوه انسان لپاره  دمنلووړ نه دی  او ټول دینونه دې  ددغه ظلم او ستم په وړاندې غږمله اقدامات  وکړي.

آیت ا...اعرافي ووئيل، د ټولنې د اصلي سلول په توګه   دکورنۍ دړې وړې کیدایو هغه چیلنج دی چې باید دینونه ئې د  تاوانونو  د زیاتیدا مخه ونیسي.

د ایران د علمیه حوزو مدیر  روښانه کړه ، دینونه ددې په ترڅ کې چې  خپل هویتونه خوندی ساتي،باید په مشترکو برخو کې ګډ فهم او ګام پورته  کولو ته مخه کړي .  آیت ا.... اعرافي  ددې خبرې په کولو سره چې  دا یران  اسلامی جمهوریت  د داعش د انحرافي تفکر په وړاندې ودرید  او اوس د وحشي صهیونیسټي  جنایتکار  رژيم په وړاندې هم مقاومت کوي، ټينګار وکړ،  ایران په فلسطین کې د  اهل سنت وروڼو  ترڅنګ  دریږي او   ددغو وروڼو  او عزیزانو څخه په دفاع کې   ځانونه قربانوي  او ټول دنده لري ، د صهیونیسټي رژيم د ظلم او کړاؤ په وړاندې ودریږي