باقري پرمختګ د سولې او ثبات لپاره ضروري وباله
د ایران د بهرنیو چارو د وزارت سیاسي مرستیال وویل: دوامداره سوله او ثبات یوازې د سیمې د هیوادونو په پرمختګ او پراختیا سره ټینګېدایشي.
د ایران د بهرنیو چارو د وزارت سیاسي مرستیال علی باقری کنی دوحې ته په سفر کې له خپل سیال محمد الخلیفي سره، د دواړو هیوادونو تر مینځ د دوه اړخیزو اړیکو په هکله خبرې اترې وکړې.
د ایران د خارجه وزارت سیاسی مرستیال په دغه لیدنه کې په سیمه کې د ثبات د ټینګېدو لپاره د دواړو هیوادونو کلک هوډ ته په اشارې سره، جوته کړه: دوام موندونکۍ سیمه ایزه سوله د سیمې په ټولوهیوادونو کې د پرمختګ لپاره د بیخ بنایې پروژو د پلي کولو په جدې ارادې کې نغښتې ده.
باقری زیاته کړه: هغه سوله او ثبات چي د پرمختګ لامل نه شي، نه پایېدونکي او لنډمهاله وي.
د قطر د بهرنیو چارو سلاکار وزیر محمد الخلیفی هم د دواړو هیوادونو د اړیکو پیاوړتیا ته په اشارې سره، جوته کړه: ایران او قطر دواړه د سیمې د سولې او ثبات په برخه کې ملګرې دي.
