د ایران د تیلو تولید زیات شوی دی

ایرنا خبري اژانس راپور راکړی د ایران د اسلامي جمهوریت د تیلو وزیر «جواد اوجي» هره ورځ د کابو درې اعشاریه دوه میلیونه بیرله د تیلو د تولید خبر ورکړ.

شمیرنې وايي د تهران پرضد د امریکا له بایکاټونو سره سره په تیرو کلونو کښې تل د ایران د تیلو تولید زیات شوی دی.

د ایران د تیلو وزیر جواد اوجي په دې خبرې سره چې د روان هجري لمریز کال(۱۴۰۲) د زمري د میاشتې په پاې کښې د ایران د اومو تیلو تولید درې میلیونه او درې لکه بیرلو ته رسیږي وویل روان کال به د پینځلس میلیارډه ډالرو په لګښت پروژې چې بشپړه شوي نه دي بشپړه شي.