په افغانستان کې د ایران نوی کلتوري سلاکار معرفي شو

په کابل کې د ایران د اسلامي جمهوریت د سفارت مرستیال سید حسن مرتضوي، د سرپرست حکومت د اطلاعاتو او کلتور له وزیر ملاخیرالله خیرخواه سره په کتنه کې، په کابل کې د ایران نوی کلتوري سلاکار رسماً  افغان چارواکو ته معرفي کړ.

له دې سره په دې کتنه کې سید روح الله حسیني د ایران او افغانستان د کلتوري اړیکو د پراختیا لپاره، په کابل کې د ایران د کلتوري برخې د بشپړ چمتووالي اعلان وکړ.

په دې وروستیو ورځو کې په افغانستان کې د ایران د اسلامي جمهوریت نوي کلتوري سلاکار«سید روح الله حسیني» په خپل کار پیل کړی دی.