ایران کښې د روسیې د ولسمشریزو انتخاباتو رایه اخیستنه ترسره شوه
Mar 17, 2024 16:34 Asia/Kabul
د روسیې د ولسمشرۍ د اتمې دورې د ټاکنو د رای ورکولو په دریمه ورځ، په ایران کې هم میشتو روسي اتباعو خپلې راې وکارولې.
د روسیې د ولسمشرۍ د اتمې دورې د ټاکنو د رای ورکولو په دریمه ورځ، په ایران کې هم میشتو روسي اتباعو خپلې راې وکارولې.
د ایرنا د خبر له مخې په ایران کښې د روسیې د ولسمشریزو انتخاباتو لپاره د رای اچونې وخت پرون یکشنبه د سهار له اتو بجو څخه د ماښام تر اتو بجو پورې اعلان شوی و.
په تهران کې د روسیې سفارت او په اصفهان او رشت کې د روسیې قونسلګرۍ او د بوشهر او دشت عباس په ښارونو کې دوه ټاکل شوي ځایونه په ایران کې د روسي اتباعو لپاره د رای ورکولو مرکزونه ټاکل شوي وو.
د روسیې ولسمشریزې ټاکنې د تېرې جمعې په ورځ پیل شوې وې.
دا د روسیې په تاریخ کې لومړۍ انتخاباتي دوره ده چې درې ورځې ترسره شوه.
ټیګونه
