له ډالر سره په مقابلې کې د روسیې او ایران هوښیار اقدام
پارس ټوډې- د ایران داسلامی جمهوریت د ملی بانک مشر د ایران او روسیې ترمینځ دتجارتي مبادلاتو لپاره د پیسو د دوه اړخیزې موافقې خبر ورکړ.
پر نړیوال اقتصاد د سلطې لپاره دامریکا یو ترټولو اصلي آوزار او اړم ددغه هیواد کرنسي یعني ډالر دی چې په کرتو له واشنګټن سره د ناغږمله هیوادونو په ضد په اقتصادي جنګ کې کارول کیږي. له دې امله د ایران،روسیې او چین په څير هیوادونه هڅه کوي، له ډول ډول سیاستونو او رودو څخه په استفادې سره د ډالرو له دباؤه ځان وژغوري.
پارس ټوډې راپور ورکړی، د ایران د مرکزي بانک عمومی مشر محمد رضا فرزین په یولړڅرګندونو کې ووئیل د روسیې په سنټ پيټرزبرګ کې ئې ددغه هیواد د مرکزی بانک له مشر سره د کتنې په پای کې د تجارتی مبادلاتو لپاره د ملي پیسو د نغدې معاوضې دتامینولو په خاطر د پیسو د دوه اړخیز تړون لاسلیک کړ.
فرزین زیاته کړې ده ، ډير زر به د ایران د اسعارو او طلا د مبادلې په مرکز کې (ریال آفشور)له پولې ورآخوا د ریال د موافقې د معاملاتو د بیخ بینائيو په افتتاح سره ، تاجرانو او بانکي چینل ته لازم دستورالعملونه وړاندې کړي.
د ایران د مرکزی بانک مشر روښانه کړې ده،د پیسو په تړون سره به،د ریال او روبل ځاي اسعارو په اساس مبادلې وشي او کوم ضرورت نشته د نورو له اسعارو استفاده وشي. دا چاره د هیواد په تجارتي مبادلاتو کې د ودې لپاره یو پيل دی د اسعارو له امله ډیرې خطرې له مینځه وړي.له دې امله دا مهم د ایرانیو تاجران او د روسیې پانګوالو لپاره ډير خوښه چاره ده.
ښاغلی فرزین همداراز د ایران او روسیې بانکي او مالی مناسباتو ته په اشارې سره ووئيل، په دوو اړخیزې ناستې کې ددواړو لورو د متخصصانو پلاوي ، د ایران له شتاب چینل سره د روسیې د میر کارتی چینل د ګنډل کیدا د لوازماتو په نهائي کیدا سره ، دغه پروژه داسې عملیاتي مرحلې ته وارده شوه چې د هغې لومړي فیز به د میلادي کال راتلونکي میاشتې تر وروستیو پورې ،یعني د د وږي یا سنبلې دمیاشتې تر لومړیو پورې ، د ایرانیو ښاریزو لپاره د استفادې وړ وي.
د ایران د مرکزی بانک عمومی مشر ټينګار وکړ، په دغې مرحلې کې د ایران شتاب چینل بانکي کارډونه د (کهربا) بانکي سمارټ کارډ د پلان په چوکاټ کې د روسیې له ټولو اې ټي ایم ،سسټمونو څخه پخپلو بانکي کارډونو سره د روبل نوټونه ترلاسه کولی شي.
فرزین روښانه کړې ده، د اتصال یا یوځای کیدا دوهمه مرحله به په ایران کې د روسیې ښاریزو د استفادې لپاره وي او په دریمې مرحلې کې د ایران شتاب کارډونه د روسیې په پلورنځایونو کې د استفادې وړ وي.
