بقائي: په تهران کې د استرالیا سفیر له ایران څخه ووت

د ایران د بهرنیو چارو وزارت ویاند اسماعیل بقائي، اعلان وکړ چې په تهران کې د استرالیا سفیر له ایران څخه وتلی او ویې ویل: د استرالیا د اقدام په غبرګون کې، د ایران اسلامي جمهوریت هم د دپلوماتیکو اصولو او قوانینو سره سم په ایران کې د دغه هېواد د دیپلوماتیک حضور کچه راټیټه کړې ده. 

بقائي وویل: د استرالیا د دولت له لوري د دیپلوماتیکو اړیکو د کچې د راټیټولو اقدام ناعادلانه دی او موږ د اړیکو د راټیټولو هرکلی نه کوو، ځکه موږ باور لرو چې د دې کار لپاره هیڅ دلیل او توجیه نشته او دا د دواړو ملتونو اړیکې اغېزمنوي. 

هغه زیاته کړه: په کانبرا کې د ایران سفارت کنسولي برخه فعاله ده او د محدودیتونو سره سره به هڅه وکړي چې په استرالیا کې مېشتو ایرانیانو ته اړین کنسولي خدمتونه وړاندې کړي. 

بقائي په پای کې وویل: پر ایران د یهودي ضدۍ تورونه مضحک او بې بنسټه دي.