ایران د ټولو مسلمانو وروڼو او خوئیندو تر څنګ ولاړ دی
پارسټوډي - د ایران د اسلامی جمهوریت د بهرنیو چارو وزیر عباس عراقچي په یوه پیغام کې ټینګار وکړ چې ایران د ټولو مسلمانو وروڼو او خوئیندو تر څنګ ولاړ دی.
د ایران د بهرنیو چارو وزیر سید عباس عراقچي د اسلامي - عربي هیوادونو د بهرنیو چارو د وزیرانو په بیړنۍ غونډې کې د ګډون لپاره د قطر پلازمینې دوحې ته تللی دی.
د پارسټوډي د راپور له مخې، عباس عراقچي په ایکس ټولنیزچینل کې په یوه پیغام کې لیکلي: د ایران اسلامي جمهوریت د قطر تر څنګ، او په حقیقت کې د ټولو مسلمانو وروڼو او خوئیندو تر څنګ ولاړ دی، په ځانګړي توګه د هغې خطرې پر وړاندې چې ټوله سیمه ګواښي.
د اسلامي ملګرتیا موسیسې د بهرنیو چارو وزیرانو غونډه د یکشنبې په ورځ، د سپټمبر په ۱۴ ، د قطر په پلازمینې دوحې کې د ایران د بهرنیو چارو د وزیر په ګډون سره د اسرائیلي تیریګر رژیم له خوا پر قطر د پوځي یرغل د موضوع د څېړنې لپاره پیل ترسره شوې ده.
د اسلامي - عربي هیوادونو د بهرنیو چارو د وزیرانو بیړنۍ غونډه د قطر په غوښتنې سره د وحشي اسرائیلي رژیم له خوا پر دغه هیواد د پوځي یرغل د موضوع د څېړنې لپاره جوړه شوې وه.
دا غونډه د اسلامي - عربي هیوادونو د مشرانو د غونډې لپاره مقدمه ده چې نن په همدغې دوحې کې ترسره کیږي. د ایران د اسلامی جمهوریت ولسمشر «مسعود پزشکیان هم په دغې غونډې کې ګډون کوي.
