ایران عادلانه مذاکرات مني،خوکلنګ هیچا ته نه ورکوي
ایرواني د «هر ډول عادلانه او معنا لرونکو مذاکراتو» هرکلی وکړ او ټینګار یې وکړ چې د امریکا ټینګار پر هغه سیاست چې «د یورانیمو بډایول صفر » بلل کېږي، د هغو حقوقو خلاف دی چې ایران ئې د ایټمي وسلو د نه خپرېدو تړون (NPT) د غړي په توګه لري.
د ملګروملتو په امنیت شورا کې د امریکا د استازې، مورګن اورټېګاس، له هغو څرګندونو وروسته چې ویلي ئې دي واشنګټن یوازې له ایران سره مستقیمو مذاکراتو ته چمتو دی او تهران په خپلې خاورې کې د د یورانیمو بډایولو حق» نه لري،په ملګرو ملتو کې د ایران دایمي استازي دغو دریځونو ته سخت غبرګون وښود.
د تسنیم خبري اژانس د راپور له مخې، د ملګرو ملتو کې د ایران سفیر او دایمي استازي، امیر سعید ایرواني، د امریکا د استازي د دغو څرګندونو په غبرګون کې خبرې وکړې
ایرواني د «هر ډول عادلانه او معنا لرونکو مذاکراتو» هرکلی وکړ او ټینګار یې وکړ چې د امریکا ټینګار پر هغه سیاست چې «د یورانیمو بډایول صفر » بلل کېږي، د هغو حقوقو خلاف دی چې ایران ئې د ایټمي وسلو د نه خپرېدو تړون (NPT) د غړي په توګه لري.
د ایران استازي په امنیت شورا کې زیاته کړه: دا چلند ښئي چې امریکائي لوری د عادلانه خبرو اترو په لټه کې نه دی، بلکې غواړي خپلې له مخکې ټاکل شوې غوښتنې پر ایران وتپي. هغه ټینګار وکړ: د ایران اسلامي جمهوریت نه د دباؤ او ګواښ پر وړاندې تسلیمېږي او نه به هم اجازت ورکړي چې په نړیوال ډګر کې ترې باج واخیستل شي.
