ایران د امیندوارئ په درملنې کې د نړۍد لسوغوره هېوادونوپه لیکه کې
پارس ټوډې – د ایران د میرمنو د امیندوارئ یا ناامیندوارئ د درملنې د علمي ټولنې مشر ووئيل چې ایران د امیندوارئ د درملنې په برخې کې د نړۍ د لسو مخکښو هېوادونو په ډلې کې شامل شوی دی
د ایران د نابارورۍ او بارورۍ د علمي ټولنې مشر حمید چوبینه، وویل: ایران د امیندوارئ ددرملنې یا د نابارورۍ د مرستندویه درملیزو تخنیکونو له پلوه په ډېر مناسب او لوړې کچې کې واقع شوی او د دغو ستونزو د علمي حل لپاره بشپړه وړتیا لري.
د پارس ټوډې د راپور له مخې، چوبینه د دې خبرې په یادولو سره چې په پرمختللو هېوادونو کې د میرمنو د ناامییندوارئ د درملنې ټول عام مرستندویه تخنیکونه په ایران کې هم شته، ټینګار وکړ: دا لوړ مقام هم د علمي تولید له پلوه او هم د بهرنیو ناروغانو د لېوالتیا له مخې چې ایران ته مراجعه کوي، ښه څرګند دی.
هغه زیاته کړه: آن کابو لس کاله وړاندې، د ایټالیا د مشرانو جرګې مرستیال مشر اروپائي ناامیندوارو جوړو ته د ایران د معرفي کولو د لېوالتیا یادونه کړې وه، چې لامل ئې د تکړه ډاکترانو شتون، د درملنې علمي خوندیتوب، ټیټ لګښتونه، د ګرځندوی جاذبې او د اوږدو انتظار لسټونو نشتوالی بللی و.
چوبینه وویل: خوشبختانه په ایران کې د میرمنو د ناامیندوارئ د درملنې د خدماتو په وړاندې کولو کې هېڅ ډول کمښت نشته، د مصرف وړ ډېری مواد په داخل کې تولیدېږي، او ناروغان تل توانېدلي چې د نړۍ له وروستیو او نوې درملنیزو تخنیکونو څخه ګټه واخلي.
