په هرمز تنګي کې د سرغړوونکو تیل وړونکو بېړیو برخلیک؛ اور!
پارسټوډې ـ د ایران د اسلامي انقلاب د سپاه پاسداران سمندري ځواک د یکشنبې په ورځ په هرمز تنګي کې د خامو تېلو د یوې سترې تیل وړونکې بېړۍ د چاودنې د خبر په اعلانولو سره، په یوې خبرپاڼې کې وویل: هره سرغړوونکې تیل وړونکې بېړۍ چې د تنګي هرمز قوانین له پامه وغورځوي، برخلیک به ئې په سخت اور کې سوځېدل وي.
د پارسټودي د راپور له مخې، چې د مهر خبري اژانس په حواله خپور شوی،راغلي دي، د سپاه پاسداران د سمندري ځواک د خبرپاڼې په متن کې راغلي دي؛د خامو تېلو یوه سرغړوونکې ستره تیل وړونکې بېړۍ، چې غوښتل ئې د هرمز تنګي له غیرمجازې لارې ووځي، د اعلان شوې خطرناکې لارې په اوږدو کې له سمندري ماین سره د ټکر له امله له یوې سختې چاودنې سره مخ شوه.
دغه سترې تیل وړونکې بېړۍ د سمندري تګ راتګ او موقعیت معلومولو خپل سیستمونه بند کړي وو. له سمندري ماین سره تر ټکر وروسته، اوس په یوه ستر اور کې سوځي؛ داسې چې د اور لمبې ئې د ساحلي سیمو اوسېدونکو ته هم په څرګنده ښکاري.
په دغې اعلامیې کې راغلي دي؛د سپاه پاسداران سمندري ځواک اعلان کوي چې هره سرغړوونکې تیل وړونکې بېړۍ چې د هرمز تنګي امنیت او قوانین له پامه وغورځوي، برخلیک به ئې په سخت اور کې سوځېدل وي.
