ایران له دباونو سره سره د ثبات په لاره کښې حرکت کوی
-
دایران اسلامي انقلاب د ۱۹۷۹ میلادي کال د فرورۍ دمیاشتې په یولسمه(۱۱) نیټه بریالیتوب ته رسیدلی وو .
ایرنا خبری اژانس وایی په اذربایجان جمهوریت کښې د ایران سفیر جواد جهانګیر زاده بیګا په باکو کښې د اسلامی انقلاب د بریالیتوب د نهه دیرشمې(۳۹) کلیزې د جشن په دستورو کښې وویل دایران اسلامی جمهوریت دلویدیځو هیوادونو له ظالمانه بایکاټونو او دباونو سره سره دنړیوال او سیمه ایز اقتدار او ثبات په لاره کښې حرکت کوی .
هغه په دې خبرې سره چې دایران اسلامی انقلاب د اوسمهاله تاریخ ترټولو ولسی انقلاب دی جوته کړه دایران داسلامی انقلاب بریاوې نه یوازې په سیاسی اړخونو بلکې د اقتصادی او ټولنیزو او علمی پرمختګونو او پراختیا په لاره کښې هم حیرانونکی دی .
په اذربایجان جمهوریت کښې دایران سفیر جواد جهانګیر زاده وویل داقتصادی ګرافونو پراساس دایران اسلامی جمهوریت دنړۍ اتلسم(۱۸) بره اقتصاد لری .
دایران اسلامی انقلاب د ۱۹۷۹ میلادی کال د فرورۍ دمیاشتې په یولسمه(۱۱) نیټه د پهلوی رژیم پرضد د اسلامی جمهوریت د بنسټګر حضرت امام خمینی رحمت الله علیه په مشرۍ بریالیتوب ته رسیدلی وو .
