ايران ته دکربلای معلی پاکستاني زائرينو په راتګ کښې 72 فيصده زياتوالے
د اګست له ۲۳ نه د اکتوبر تر ۱۹ پورې ايران سيستان او بلوچستان صوبې ته د کربلای معلی پاکستاني زائرينو راتګ د تېر کال په نسبت ۷۲ فيصده زيات شوےدے.
د ايرنا د رپوټ له مخې د ايران د سيستان او بلوچستان صوبې د لارو او ټرانسپورټ عمومي ادارې سرپرست «ايوب کُرد» د دې په بيانولو سره چې په دغه موده کښې يو لک نهه زره اته سوه درې پنځوس پاکستاني زائرين د ميرجاوې پوله ايز ګېټ څخه ايران ته داخل شوي دي، واضحه کړه، د وروستيو شمېرنو له مخې په دغه موده کښې له دوه پنخوس زرو زيات پاکستاني زائرين د بسونو په ذريعې سره د ميرجاوې پوله ايزې سيمې ته داخل شول.
هغه زياته کړه، همدارنګ په دغو ورځو کښې له اوۀ پنځوس زره او څلور سوو نه زيات پاکستاني زائرين پياده د ميرجاوې پوله ايزې سيمې ايران ته داخل شول چې وروسته په يو زر درې سوه شپږو ايراني بسونو سره دايران لويديځو پولوته رسول شوي دي.
