په قم کښې د امريکې په خلاف مظاهرې اوشوې

د ايران د قم ښار په زرګونو خلقو د امريکې د حکومت د نسل پرسته سياستونو په خلاف احتجاجي مظاهرې وکړې.

د ايرنا د رپوټ له مخې د ايران د اسلامي جمهوريت د قم مقدس ښار خلقو د جُمعې له نمانځه وروسته خلقو د مظاهرو په کولو سره د احتجاج کونکو  په ځپلو کښې د امريکې د پوليسو  اقدامات او د دغه هېواد د حکومت  نسل پرسته پالېسي وغندله.

همدارنګ د ايران د بجنورد ښار خلقو هم پرون د جمعې له نمانځه وروسته په امريکه کښې د پوليسو لخوا د متشدده چلند او د بشري حقوقو په خلاف د جنايتونو په غندنه او د نسلي تبعيض په اعتراض کښې احتجاجي مظاهرې وکړې.

د يادونې ده چې امريکائي تورپوستکي جارج فلويډ په وژله کښې د يو سپين پوستکي پوليس افسر له وحشيانه اقدامه وروسته په امريکه او د نړۍ په نورو هېوادونوکښې د نسل پرستۍ په خلاف احتجاجونه زيات شوي دي.