ایران د سیمه ایزوخبرواترو لپاره دقطر د وړاندیزهرکلی کوي
د ایران اسلامی جمهوریت تل په سیمې کې په ښه ګاونډيتوب او حاکمیّت ته داحترام او دخبرواترو په اصل ټينګار کړی او له درستو ګاونډیانو سره ئې د متناسبو او انډولیزو او منطقي اړیکو له درلودلو سره دلچسپي ښودلې ده.
فارس خبری اژانس راپور ورکړی ، د ایران داسلامی جمهوریت خارجه وزیر محمد جواد ظریف په ټولنیز پیغام کې لیکلی دي ،اسلامی ایران په سیمې کې دهراړخیزو خبرواترو لپاره د قطر د خارجه وزیر شیخ محمد بن عبدالرحمن آل ثاني دبلنې هرکلی کوي .
د ایران داسلامی جمهوریت خارجه وزیر په دوام کې روښانه کړې ده ، هماغه شان چې ایران تل ټينګارکړی دی،د چیلنجونو حل لاره،د یوې قدرتمنې، سوله ایزې ،باثباته او له سیمه ایزو او نړیوالو شخړو او ترینګلتیاؤ د پاکې او کامیابې مشترکې سیمې دجوړولو لپاره په ملګرتیا کې نغښتي ده .
د قطرخارجه وزیر په همداوروستیوکې د ایران داسلامی جمهوریت او دفارس خلیج د ملګرتیا شورا دغړو هیوادونو ترمینځ دغونډې د ترسره کیدا په باب د مینځګړیتوب لپاره دخپل هیوادچمتووالی خبر ورکړی دی.
د ایران اسلامی جمهوریت تل په سیمې کې په ښه ګاونډيتوب او حاکمیّت ته داحترام او دخبرواترو په اصل ټينګار کړی او له درستو ګاونډیانو سره ئې د متناسبو او انډولیزو او منطقي اړیکو له درلودلو سره دلچسپي ښودلې ده.
ایران باؤري دی ، د سیمې د هیوادونو د رغنده تعامل او ملګرتیا د فضا دجوړولو لپاره لومړنی ګام ، په سیمې کې دا یران ثبات بخښونکي او اغیزشیندونکي او نه انکاریدونکي رول د واقعیّت په باب د ناسمو ادعاګانو او تور لګونو د رودې بدلیدا ده .
عربستان ،کویت ، متحده عربی امارات ،قطر ،بحرین او عمان د فارس خلیج دملګرتیا شورا شپږ غړي هیوادونه دي .
