چین له پاکستان سره د ملګرتیاؤ په ژورتیا پسې دی
د چین لومړي وزیر له خپل پاکستاني همڅنګ سره په کتنې کې ووئيل، بیجینګ له اسلام اباد سره دخپل هر اړخیز سټراټژيک ګډون پراختیا ته تیار دی .
شین هوا خبری آژانس راپور ورکړ، د چین لومړي وزیر لی چیانګ په پاریس کې د نوي نړیوال مالی تړون لپاره دسرمشریزې په څنډې کې د پاکستان له لومړي وزیر شهباز شریف سره په کتنې کې ووئيل، بیجینګ د ون بیلټ ون روډ د مشرتکې پروژې د پرمخ بیلولو لپاره له اسلام اباد سره دملګرتیا دوام ته تیار دی اوهم د چین او پاکستان د اجتماعي او اقتصادي پراختیا په موخې سره په ګډه ددواړو هیوادونو د اقتصادي کریډور پروژې ( CPEC) د پرمخ بیولو پر ضرورت ټينګار وکړ.
لی ووئيل، چین او پاکستان تل له یوه بل سره په زړه پورې اړیکې درلودلي دي او بیجینګ به د پاکستان دملی حاکمیّت ،خپلواکۍ او مځکنۍ بشپړتیا په حفاظت کې له اسلام اباده چورلټ ملاتړ ته دوام ورکړي. او هیله ده چې پاکستانی لوری هم په دغه هیود کې د چیني پرسنلو او اورګانونو امنیت تضمین کړي او داخلی ترهه ګرو ډلوټپلو سره په مبارزې کې اغیزشیندونکی او پریکنده چلند وکړي.
د پاکستان لومړي وزیر شهباز شریف هم پخپل وار د دواړو لورو د دوستي خوږه ورورولي وبلله او وې وئيل ، اسلام اباد د واحد چین اصل ته پابند دی د چین د مځکنۍ بشپړتیا ، ملی حاکمت په ساتنې کې د بیجینګ پریکنده ملاتړ کوي.
