دپاکستان مذهبی ګوند د لاهور پرتلې ختمه کړه
-
مولانا اصف جلالي له تحریک لبیک څخه استعفا هم ورکړه .
زمونږخبریال وایی دپاکستان دپنجاب صوبې په لاهور کښې هم د مذهبی ګوند لبیک یا رسول الله ص لخوا پرلتې چې اوه(۷) ورځې یې دوام درلود ختمه شوه .
په پرلتې کښې ګډون کونکی کسان تیت پرک شوی .
د پاکستان دمذهبی ګوند لبیک یا رسول الله دمولانا اصف جلالې څانګې مشرانو د پنجاب صوبې حکومت ته یوه (۱)میاشت مهلت ورکړی دی چې ددوې غوښتنې پوره کړی .
ډاکټر اشرف اصف جلالی د پنجاب صوبې دقانون د وزیر رانا ثناالله د استعفا کولو مسله خواجه حمیدالدین سیالوی ته پریښودلی ده .
اشرف جلالی د پرلتې دوهلو په ختمولو سره وویل زمونږ ټولې غوښتنې منل شوی .
راپورونه وایی چې دپاکستان دپنجاب صوبې حکومت د لبیک یارسول الله د مولانا اصف جلالی څانګې مشران قانع کړی چې د پنجاب صوبې د قانون دوزیر رانا ثناالله د استعفا غوښتنه بیرته واخلی .
دپاکستان دپنجاب صوبې حکومت او د لبیک یارسول الله د مولانا اصف جلالی څانګې مشرانو موافقه وکړه د راجا ظفر الحق لخوا لیکل شوی راپور ددسمبر د میاشتې تر اتویشتمې(۲۸) نیټې پورې خپور کړی .
دغه راز مولانا اصف جلالی له تحریک لبیک یارسول الله ګوند څخه استعفا هم ورکړه .