د هندي ځواکونو په ډزو پاکستانيانو ته مرګ ژوبله اوښتنه

د پاکستان او هند ترمېنځ د کنټرول لائن په اوږدو کښې د هندي ځواکونو په ډزو سره څو تنه پاکستانيان مړۀ او ژوبل شول

زمونږ د خبريال د رپوټ له مخې د پاکستان فوځ په يوې بيانيه کښې وويل، د کنټرول لائن په اوږدو کښې د هندي ځواکونو د ډزو له کبله دوه عامه پاکستانيان ووژل شول او پينځه تنه نور هم ژوبل شول.

د پاکستان د فوځ د وېنا له مخې هندي ځواکونو په جوړا پوله ايزه سيمه کښې د ډزبندۍ د موافقې په خلاف ورزۍ سره د پاکستان په خاوره کښې استوګن سيمو حمله وکړه چې له امله يې دوه پاکستاني زلميان ووژل شول.

په دغو ډزو کښې د دوو پاکستاني ښاريزو او درې پوله ساتونکو ځواکونو په شمول پينځه تنه نور هم ژوبل شول.