په ګلګت بلتستان کښې نن انتخابات ترسره کیږي
زمونږ خبریال وايي د پاکستان په ګلګت بلتستان سیمه کښې نن انتخابات ترسره کیږي او دا په دغه سیمه کښې تر ټولو مهم انتخابات ګڼل کیږي .
په ګلګت بلتستان سیمه کښې دغو انتخاباتو دا ځل په دې وجه زیات اهمیت موندلی دی چې د پاکستان د حکومت دوو(۲) مهمو مخالفو سیاسي ګوندونو پیاوړي انتخاباتي کمپاینونه پیل کړي دي .
دغه انتخابات به د پاکستان د تحریک انصاف او دغه راز د پاکستان د حکومت د دوو (۱) مخالفو سیاسي ګوندونو پیپلز او مسلم لیګ نوازشریف څانګې لپاره یو(۱) ستر امتحان وي .
په ګلګت بلتستان سیمه کښې په انتخاباتو کښې د څلورو (۴) میرمنو په شمول کابو درې سوه دیرش (۳۳۰) کاندیدان د پارلمان د څلرویشتو (۲۴) څوکیو لپاره له یوبل سره سیالۍ کوي .
د پاکستان د پیپلز ګوند مشر بلاول بوټو زررداي کوم چې اوه (۷) ورځې په ګلګت سیمه کښې و د خپل ګوند لپاره انتخاباتي کمپاین چلوي .
د پاکستان لومړی وزیر عمران خان هم ګلګت ته رسیدلی دی چې د ګلګت بلتستان د خپلواکۍ د ورځې په مناسبت په مراسمو کښې ګډون وکړي .
عمران خان په ګلګت کښې وویل چې دغه سیمې ته به زر د صوبۍ حیثیت ورکړل شي .
سیاسي شناندي وايي د ګلګت بلتستان سیمې په انتخاباتو کښې به ترټولو سخته سیالۍ د پیپلز ګوند او د تحریک انصاف ترمنځ وي .
