پاکستانیان د قدس د نړیوالې ورځې نمانځلو ته لیواله دي
د پاکستان خلک د نړۍ د نورو هیوادونو د مسلمانانو سره هم مهاله ځانونه د رمضان په وروستۍ جمعه د قدس د نړیوالې ورځې په مراسمو کښې ګډون ته تیاروي.
د پاکستان خلک د نړۍ د نورو هیوادونو د مسلمانانو سره هم مهاله ځانونه د رمضان په وروستۍ جمعه د قدس د نړیوالې ورځې په مراسمو کښې ګډون ته تیاروي.
د پاکستان د مختلفو سیاسي او مذهبي ډلو مشرانو او نمایندګانو په دغه هیواد کښې د کرونايي حالاتو باوجود د خبرپاڼې، بیانیې او مرکې په خپرولو سره د دغه هیواد له خلکو وغوښتل چې د قدس نړیواله ورځ د کرونايي پروټوکولونو په بشپړ خیال ساتلو سره ترسره کړي.
د پاکستان د مجلس وحدتِ مسلمین عمومي منشي علامه راجا ناصر عباس جعفري هم په یوې خبرپاڼې کښې د صهیونیسټي رژيم د نیواکګرۍ او جنایتونو د دوام په غندلو سره ټینګار وکړ چې د پاکستان مسلمانان تل د فلسطین له ولسه ملاتړ کوي.
د ایران د اسلامي جمهوریت د ستر بنسټګر امام خمیني(رح) په نوښت د رمضان د میاشتې وروستۍ جمعه د قدس نړیواله ورځ نومول شوې ده.
د ویلو ده چې د روژې د مبارکې میاشتې له پیلیدو راهیسې د صهیونیسټي رژيم پوځیانو په غزې تړانګې، بیت المقدس او د فلسطین په نورو سیمو کښې د فلسطینیانو خلاف خپلې حملې لاسختې کړې دي.
