امارات به ډير زر یو لوړپوړی پلاوی ایران ته ولیږي
د اماراتو دغه چارواکي همداراز منلې وه چې له ایران سره له مخامخیدنې سره هیڅ ګروهنه نه لرو ،ځکه نتیجې به ئې د اوږدمهال لپاره سیمې ته متوجه وي .
ایرناخبری اژانس راپور ورکړی، د متحده عربی اماراتو د حکومت د مشر ډيپلوماټيک سلاکار انور قرقاش مدعي شوی چې ډير زر به د متحده عربی اماراتو یو لوړپوړی پلاوی د دواړو هیوادونو ترمینځ د اړیکو د ښه کولو په چوکاټ کې ایران ته ولیږدول شي .
انور قرقاش پرون په یولړ څرګندونو کې ووئیل ، د ایرانیانو له خوا دغه ارزونه شته چې د فارس خلیج له هیوادونو سره داړیکو په بیا رغاونې پسې دي او مونږ ورته په مثبت نظر سره ګورو .
دمتحده عربی اماراتو دغه لوړپوړی چارواکی په عین حال کې مدعي شوی چې د ایران دسیمه ایزو فعالیتونو په باب اندیښنې شته دي ، خو دهغه په وینا ډغره او مخامخیدنه ښه لاره نه ده .
قرقاش له ایران سره د اعتماد جوړونې د اقداماتو د یوې برخې په توګه د اقتصادي خبرواترو او ملګرتیاؤ په باب ټينګار کړی چې دا موضوع به تر یوه حده وخت واخلی . هغه له دې مخکې د ابوظبئ په یوې سټراټژيکې ناستې کې وئيلي وو،چې هیواد ئې له ایران سره په باؤر جوړونې او له تهران سره د تاؤتریخوالو په کمولو بوخت دی . د اماراتو دغه چارواکي همداراز منلې وه چې له ایران سره له مخامخیدنې سره هیڅ ګروهنه نه لرو ،ځکه نتیجې به ئې د اوږدمهال لپاره سیمې ته متوجه وي .
د ایران د اسلامی جمهوریت مرستیال خارجه وزیر علی باقری کني اماراتو ته په سفر کې له انور قرقاش سره لیده کاته او خبرې کړې وې .
