په بحرین او اردن کې د اسرائیلو په ضد مظاهرې
په بحرین او اردن هیوادونو کې فلسطین څخه په ملاتړ کې د اسرائیلي رژیم په ضد پراخي مظاهرې شوي دي.
د اردن په پلازمینې او لویو ښارونو کې په زرګونو کسانو فلسطین څخه په ملاتړ کې مظاهرې کړي او د صهیونیستي رژیم د سفارت د بندېدیو غوښتونکي شوي دي.
لاریونکوونکي صهیونیستي رژیم سره د ځینو عربي هیوادونو د اړیکو د رغونې او جوړجاری غندنه کړې او هغه یې له فلسطین او اسلام سره خیانت بللی دی.
د بحرین په پلازمینې منامې ښار کې هم د فلسطین په ملاتړ او د صهیونیستي رژیم په ضد لویې مظاهرې شوي دي.
لاریون کوونکې په الاقصی جومات باندې د اسرائیل د یرغل او دغه رژیم سره د ال خلیفې د سازښت په ضد شعارونه ورکول .
په الاقصی جومات کې په فلسطیني لمونځ کوونکو باندې د صهیونیستي وحشي ځواکونو د برید او د محاصرې د ټپیانو شمېر ۳۵۰ تنو ته رسېدلې او کابو ۵۰۰ لمونځ کوونکي هم د اسرائیلي ځواکونو له لوري نیول شوي دي.
