په شهادت غواړو عملیاتوکښې یو صهیونیسټي پوځي ووژل شو
صهیونیسټي سرچینو بیګا په قدس کښې شعفاظ کیمپ ته نزدې په شویو فدايي عملیاتو کښې د یو بل زخمي شوي پوځي د مړینې خبر ورکړی دی
د ایرنا د خبر له مخې، یدیعوت آحارانوت صهیونیسټي ورځپاڼې لیکلي چې قدس په شمال ختیځ کښې شعفاظ نومي کیمپ ته څیرمه د تلاشۍ په پوسټه کښې په چاقو سره په صهیونیسټي ضده عملیاتو کښې ژوبل شوی کس مړ شوی دی.
له دې مخکښې خبر رارسیدلی و چې د اسرائیلو یو پوځي تیر ماښام د تلاشۍ له یادې پوسټې سره نزدې د ډزو له امله سخت زخمي شوی دی.
رپورټ زیاتوي چې د صهیونیسټي رژیم پولیسو دیوسف ابو الهوی په نامه یو ۱۳ کلن فلسطیني ځلمی په سړې وسلې سره شوې دغې حملې کښې د لاس لرلو په تور نیولی دی.
الجزیره چینل هم خبر ورکړی چې ورته مهال د صهیونیسټي رژیم یو بل پوځي هم د خپل یو بل ملګري له خوا د استشهادي عملیاتو د ترسره کونکي د ویشتلو په وخت په تیروتنې سره لګیدلی دی او په زخمي حالت کښې روغتون ته منتقل کړی شوی دی.
