فلسطینیان د نیواکګرۍاو تیریوپه وړاندې د ځان اوټاټوبی ددفاع حق لري
د ایران د اسلامی جمهوریت خارجه وزیر دملګروملتو سرمنشي ته په یوه لیک کې د وحشي اسرائیلو د نیواکګر رژیم له خوا د وحشي ډوله جنایتونو او تیریو په دوام په اندیښنې ښودلو سره دهرډول نیواکګرۍ او تیریو په وړاندې د فلسطین د ولس دروا دفاع په حق ټينګار وکړ.
ایرنا خبری آژانس راپور ورکړ، حسین امیر عبداللهیان د ملګروملتو سرمنشي انتونیو ګوتریش ته د یوه لیک په لیږلو سره د نیواکي فلسطین په ټاټوبو کې داسرائيلو دنیواکګر رژيم له خوا د وحشي ډوله جنایتونو او تیریو ددوام په باب ژوره اندیښنه وښودله. دا یران خارجه وزیر د فلسطین د ولس په وړاندې د نیواکګر رژيم د جنایتونو او له دغه نیواکګر او وحشي رژيم څخه د امریکا او لویدیځ دملاتړونو په یادولو سره ووئيل، د فلسطین خلک له ځان او خپل ټاټوبي څخه په دفاع کې له خپلو ټولو آوزارونو څخه د استفاده بشپړ حق لري او باید نیواکګري او جنایتونه پاي ته ورسیږي.
د ایران خارجه وزیر همداراز په غزې کې د انساني غمیزې په وړاندې دملګروملتو او د سرمنشي د شخصي مسئولیّتونو په یادولو سره د صهیونیسټي رژيم د ړندو غج اخستنو په باب خبرداری ورکړ.
امیر عبداللهیان د ملګروملتو له سرمنشي وغوښتل ، په نیواکی فلسطین او په تیره بیا په غزې تړانګې کې دې د نسل وژنې او جنګي جنایتونو دبوږنونکو اقداماتو او د بشری حقوقو او انسان دوستۍ د نړیوالو حقوقو پشمول د نړیوالو حقوقو د ښکاره خلاف ورزیو ددوام دمخنیوی لپاره دې په ممکن زر ترزره لازم تدبیرونه غوره کړي.
د ایران د اسلامی جمهوریت خارجه و زیر همداراز د روسیې له خارجه وزیر سرګئ لاؤروف سره هم د فلسطین دوروستیو حالاتو په باب د نظر تبادله کړې او دغه راز ئې له هغه غوښتي څو په دې باب دې دفوري اقداماتو لپاره لاس په کار شي.
د فلسطین د دفاع کونکی ولس د مبارزو په سر کې د طوفان الاقصی عملیاتو په اوج پسې په غزې تړانګې باندې د قدس دنیواکګر رژيم د حملو له دوام سره په یووخت د فلسطین د روغتیائی چارو وزارت پرون ناوخته په اعلامیې کې د ترټولو ورستیو احصایو په اعلانولو سره وئیلي دي، چې د وحشي صهیونیسټي رژيم په ب آمانه بمباریو کې تر دې دمه کابو ۷۸۸ بې ګناه فلسطینان چې ۳۵فیصده قربانیان ئې ماشومان دي شهیدان شوي او کابو پنځه زره نور هم ټپیان شوي دي . چې د شهیدانو شمیر نوره هم زیاتیدلی شي.
