صهیونیستي رسنۍ:
له هیټلر نه زیات بمونه مو په غزې کارولي دي
یوې صهیونیستي رسنۍ ویلي چي په دوهمې نړیوالې جګړې کې د هیټلر له خوا د کارول شویو بمونو نه زیات بمونه د اسرائیل له خوا په غزې باندې کارول شوي دي.
د کالکالیست په نامه صهیونیستي ورځپاڼې په خپل وروستي راپور کې د اسرائیل د فوځ لپاره د وسلو او بمونو له کمښت څخه د یوې لویې ننګونې په توګه یادونه کړې ده او لیکلي دي چي په غزې باندې د وسلو او بمونو له حد نه زیات استعمال په خاطر، د اسرائیل د رژیم فوځ د مهماتو له کمښت سره مخ شوی دی.
دغې ورځپاڼې زیاته کړې ده چي د اټکلونو له مخې، په غزې باندې د اسرائیل د رژیم له خوا د کارول شویو بمونو کچه، په دوهمې نړیوالې جګړې کې د هیټلر له خوا له کارول شویو بمونو څخه زیاته ده.
د فوځي کارپوهانو له نظره، په غزې باندې د صهیونیست رژیم له خوا د کارول شویو بمونو د ورانوالې کچه له څو ایټمي بمونو څخه زیاته ده.
د فلسطین د روغتیا وزارت اعلان وکړ چي په غزې باندې د صهیونیست رژیم د بریدونو په دوام سره، د شهیدانو شمېر ۲۶ زره او ۴۲۲ او د ټپیانو شمېر ۶۵ زرو کسانو ته رسېدلي دي.