په غزه کې د ډوډۍ په لټه   ۸۴ ماشومانو شهیدان شوي

پارس‌ ټوډی - د غزې د شفا روغتون مشر د ماشومانو د لوږې له امله د مړینې د شمېر د زیاتېدو په اړه اندېښنه څرګنده کړه او اعلان یې وکړ چې تر اوسه ۸۴ ماشومان د یوې ډوډۍ د موندلو په هڅه کې شهیدان شوي او دا شمېره لا هم په زیاتېدو ده. 

د غزې د شفا روغتون مشر «محمد ابوسلمیه»  د جمعې په ورځ وویل، یو له قربانیانو څخه د شکر ناروغ و چې د مناسبو خوړو او طبي پاملرنې د نشتوالي له امله مړ شو، چې دا د غزې د تغذیې او درملنې بحران شدت ښيي. 

هغه زیاته کړه: اوسنی وضعیت د ناکافي تغذیې څخه هاخوا دی او په بشپړه توګه د ټولو عمرونو، له ماشومانو تر زړو پورې، د تغذیې کمښت شاملوي.