په غزه کښې شپږ زره کسان بې درکه دي

یو فلسطیني مرکز د غزې د دوه کلن جنګ په دوران کښې د دغې سیمې د شپږو زرو کسانو د بې درکه کیدو خبر ورکړ.

په فلسطین کښې په بې درکه کسانو پورې د اړونده مرکز مدیر «احمد مسعود» وویل چې د ابتدايي موندنو له مخې په غزه کښې د بې درکه کسانو شمیر شپږو زرو تنو ته رسیږي.

مسعود زیاته کړه: په غزې تړانګه کښې چارواکي د بې درکه کسانو په هکله د معلوماتو د راغونډولو پّ کار کښې له ګڼو ننګونو او ستونزو سره مخ دي.

په فلسطین کښې د بې درکه کسانو د اړونده مرکز د مدیر په وینا، په بې درکه شویو کښې زیاتره کسان ځوانان دي.

سره له دې چې د ډیرو فلسطینیانو جنازې لاتراوسه تر کنډولو لاندې دي، صهیونیسټي پوځیانو په مختلفو پلمو په سلهاو فلسطینیان وتښتول.