النجباء: امریکا په دروغو څرګندونو سره غواړي خپلې ماتې پتې کړي
پارس ټوډې – د عراق د النجباء غورځنګ عمومي منشي وویل چې امریکايي چارواکي په سېمه کې د بریاوو په اړه په خپلو دروغو څرګندونو سره، غواړي خپلې ماتې پټې کړي.
د پارس ټوډې د راپور له مخې، د عراق د النجباء غورځنګ عمومي منشي شیخ اکرم الکعبي وویل: امریکایان په ښکاره دروغو سره هڅه کوي چې خپلې ماتې پتي کړي او د بریاوو په اړه د دوی احمقانه خبرې په داسې حال کې دي چې هر ورځ په لسګونه ماشومان د دوی له خوا وژل کېږي.
الکعبي په دوام کې له رسنیو وغوښتل چې د سولې د دښمنانو او د شرورو دروغجنو چل او فریب ونخوري او د حق د جبهې بریاوې چې د عربي او لوېدیځو رسنیو له خوا سانسور کېږي، خپاره کړي.
نوموړي په عراق کې د اسلامي مقاومت شتون یو مشروع حق او په حقیقت کې یوه دیني، اخلاقي او ملي دنده وګڼله او وویل: زموږ هېواد اشغال شوی؛ آسمان یې د امریکا جنګي الوتکې او د جاسوسۍ ډرونونه کنټرولوي، د موساد پټو واحدونو په ګډون د دښمن پوځيان ځمکه یې اشغال کړې ده، اقتصادي سرچینې او تیل یې لوټل کېږي او کار دې ځای ته رسېدلی چې د ټرمپ په څېر یو جنایتکاره لیونی د قواوو د مشرانو په ټاکلو کې دخلالت کوي.
هغه په پای کې زیاته کړه: موږ امریکا پورې لېواله کسانو ته سپارښتنه کوو چې د دښمن د رضایت ترلاسه کولو لپاره له چاپلوسۍ څخه لاس واخلئ؛ ځکه چې د ځینو کردو بېلتون پالو ډلو په څېر به یوازې د خپلو موخو د ترلاسه کولو لپاره د لرګیو په څېر استفاده شئ او بیا به تاسو په خپل حال پرېږدي.
