د فارس خلیج ملګرتیا شورا بې تاثیره شوې ده
د قطر خارجه وزیر د سیمې په هیوادونو کښې د سیاسي تشې رامینځته کیدل د افراط پالنې د ودې لپاره یو مناسب فرصت وباله.
د قطر د بهرنیو چارو وزیر ټینګار وکړ چې د فارس خلیج ملګرتیا شورا اوس حتی د خپلو غړو هیوادونو د ستونزو د هوارولو توان هم نه لري او تاثیر یې ختم شوی دی.
د ایرنا د خبر له مخې شیخ محمد بن عبدالرحمن آل ثاني بیګا د سویټزرلینډ په داووس کښې د نړیوالو اقتصاد د غونډې ترڅنګ (د عرب نړۍ ګډ لرلید) تر عنوان لاندې یوه غونډه کښې وویل: د فارس خلیج د ملګرتیا شورا د غړو هیوادونو ترمینځ د اختلاف شتون یو حقیقت دی خو اختلافات په نښتونه نه ختمیږي بلکې خبرې اترې یې ترټولو موثره لاره ده.
هغه په دې خبرې سره چې د سیمې هیوادونه له داسې حالاتو سره مخ دي چې د ښه ګاونډیتوب احترام او خیال ساتنې ته مجبور دي، څرګنده کړه: کله چې د حاکمیت خبره په مینځ کښې وي، هیڅ جوړجاړی به ونه شي.
د قطر خارجه وزیر د سیمې په هیوادونو کښې د سیاسي تشې رامینځته کیدل د افراط پالنې د ودې لپاره یو مناسب فرصت وباله او زیاته یې کړه: تندلاري له دین څخه خپلو سیاسي موخو ته د رسیدو لپاره ګټه اخلي.