فلسطيني ځوانانو د صهيونېسټ رژيم په يو فوځي برج حمله وکړه
يو شمېر فلسطيني مبارزانو د اردن د سيند د لويديځې غاړې په قلقيليا ښار کښې د اسرائيلو په يو فوځي برج باندې په حملې سره هغه ته اور ورته کړ.
د فلسطين د اطلاع رسونې د مرکز د رپوټ له مخې يو شمېر فلسطيني ځوانانو بېګا د قلقيليا ښار د ختيځ په عزون ښارګوټي کښې د اسرائيلو په يو فوځي برج باندې حمله وکړه او د هغه لوري ته يې څو لاسي بمونه وروغورزول چې له امله يې د صهيونېسټ رژيم دغه اسرائيلي فوځي برج وسوزېد.
د فلسطيني مبارزانو له دغه اقدامه وروسته صهيونېسټو نيواکګرو قلقيليا سيمه په بشپړه توګه محاصره کړه او دغه ښار ته ننوتونکې لارې په سر کشې يې د تلاشۍ څو پوستې جوړې کړې.
همدارنګ د غزې د تړانګې اوسېدونکو فلسطيني ځوانانو نن سحر په څو پتنګانو پورې اور وتړۀ او هوا ته يې ولېږل.
يديعوت آحارانوت صهيونېسټي ورځپاڼې وليکل،د غزې په خاوشا صهيونېسټي ښارګيو کښې د دغو پتنګانو د غورزېدو له کبله په شپږو ځايونو کښې اور ولګېد او صهيونېسټانو ته يې يو لړ زيانونه ورسول.
