دپاکستان لومړی وزیر نن عربستان ته ورسید
-
دا دلومړي وزیر په توګه د عمران خان له انتخابیدا وروسته عربستان ته دهغه دوهم(۲) سفر دی .
زمونږ خبریال وایی د پاکستان لومړی وزیر عمران خان د پانګونې په نړیوال کانفرنس کښې دګډون لپاره د عربستان پلازمینې ریاض ته ورغی .
عمران خان په دغه یوه(۱) ورځنی سفر کښې د سعودی عربستان له باچا سلمان بن عبدالعزیز سره کتنه وکړه او د دسیمه ایزو پیښو او ددواړو هیوادونو د پیاوړی اړیکو په اړه یې خبرې وکړې.
سعودی عربستان ته د پاکستان دلومړی وزیر عمران خان سفر په داسې حال کښې کیږی چې په تیرو څو ورځو کښې اسلام اباد وویل پاکستان د اقتصادی مشکلاتو د حل لپاره پینځلس(۱۵) میلیارډه ډالره پور ته ضرورت لری .
دا دلومړی وزیر په توګه د عمران خان له انتخابیدا وروسته عربستان ته دهغه دوهم(۲) سفر دی .
د پاکستان خارجه وزیر شاه محمود قریشی ، د مالیې وزیر اسد عمر ، د اطلاعاتو وزیر فواد چوهدری او د تجارتی چارو سلاکار عبدالرازق داوود له لومړی وزیر عمران خان سره ملګرتیا کوی .
