د یمن د ملت پرضد جګړه دې باید بنده شي
سپوتنیک خبري اژانس راپور ورکړی د یمن د ملي ژغورنې د حکومت لومړي وزیر «عبدالعزیز صالح بن حبتور» یوځل بیا د دغه هیواد د ملت پرضد د سعودي عربستان د جنګ د بندیدا په اړتیا ټینګار وکړ .
هغه وویل د یمن ملت د جنګ په وجه زیات کړاو او درد زغمي پر دې اساس د دغه هیواد حکومت زر تر زره د یمن پرضد د جنګ او د تیري د بندیدا غوښتونکی دی .
د یمن د ملي ژغورنې د حکومت لومړي وزیر عبدالعزیز بن حبتور په ځینو ګاونډیو عربو هیوادونو باندې نیوکې سره چې دغه جنګ یې په نوموړي هیواد ورتپلی دی وویل د یمن د ملت لپاره سوله یوه(۱) اصلي او حیاتي غوښتنه ده .
سعودي عربستان د امریکا د متحده عربي اماراتو، اردن ، اسرائیلو او د انګلستان وغیره په ملاتړ او مرستې سره له ۲۰۱۵ میلادي کال راهسې د یمن پرضد پوځي تیري پیل کړي او له ځمکې ، سمندر او هوا څخه یې دغه هیواد کلابند کړی هم دی او له کبله یې تراوسه د دغه هیواد څه د پاسه شپاړس زره (۱۶۰۰۰) بې ګناه خلک وژل شوي او په لسګونو زره نور ژوبل شوي او په میلیونونو نور کډوال شوي هم دي .
د سره صلیب نړیوالې کمیټۍ وویل د یمن د ملت پینځه شپیته (۶۵) فیصده خلک چې نفوس یې څه د پاسه دیرش(۳۰) میلیونه دی د خواړو لپاره هیڅ شی نه لري .
