حسن نصر الله له دښمنانو سره د مقابلې په دوام ټینګار وکړ
د لبنان د حزب الله عمومي منشي له دښمنانو سره د مقابلې په جاري ساتلو باندې په ټینګار سره ویلې دي: د مقاومت چورلیز له پوځي، سیاسي او امنیتي نظره دښمن ته ماتې ورکړې ده.
د لبنان د حزب الله عمومي منشي له دښمنانو سره د مقابلې په جاري ساتلو باندې په ټینګار سره ویلې دي: د مقاومت چورلیز له پوځي، سیاسي او امنیتي نظره دښمن ته ماتې ورکړې ده.
د ایرنا د خبر له مخې سید حسن نصر الله بیګا د حسیني عاشورا په مناسبت یوه وینا کښې د مقاومت د چورلیز خلاف روانو تبلیغاتو ته اشاره وکړه او یادونه یې وکړه چې کوم منفي تبلیغات چې نن سبا د مقاومت خلاف کیږي، تراوسه یې مخینه نه ده لرلې.
هغه دې ټکي ته په اشارې سره چې نن سبا د مقاومت خلاف لیکل کیدونکې زیاتره مقالې د پیسو په خاطر دي، زیاته کړه: د فارس خلیج دملګرتیا شورا د غړو او د ځینو نورو هیوادونو سفارتخانو تراوسه د حزب الله خلاف تبلیغاتو لپاره لسګونه میلیون ډالر لګولې دي.
