سعودي عربستان په یمن بریدونو ته دوام ورکړی
المسیره ټیلي ويژن راپور ورکړی د سعودي عربستان تیریګر ائتلاف پرون د یمن په تعز ولایت کښې په صاله ښار د هوانونو ډزې وکړې چې په ترڅ کښې یې یو (۱) ماشوم مړ او درې(۳) نور ژوبل شول .
د سعودي عربستان د تیریګر ائتلاف جنګي الوتکو د یمن په الجوف ولایت کښې په الخنجر او المرازیق سیمو باندې هم څو ځله بریدونه وکړل .
په یمن کښې د سعودي عربستان او د هغه د ملګرو هیوادونو جنګونه تراوسه د څه د پاسه شپاړس زره (۱۶۰۰۰) بې ګناه خلکو د وژل کیدا ، د لسګونو زرو نورو د ژوبلیدا او د میلیونونو خلکو د کډوالیادا سبب شوي دي .
دغه راز د یمن د ملي ژغورنې په حکومت کښې د مرکچي پلاوي مشر محمد عبدالسلام د هغو ازاد شویو بندیانو په دردونکو کیسو چې د سعودي عربستان د ائتلاف له زندان څخه خوشي شوي دي شوکه شوی دی .
هغه پرون د یمن د استعفا شوي حکومت او د ملي ژغورنې د حکومت ترمینځ د بندیانو د تبادلې د دوهم (۲) پړاو له بشپړیدا وروسته له المسیره ټیلي ويژن سره په مرکه کښې وویل د سعودي عربستان ائتلاف دین او اخلاق نه پیژندي .
عبدالسلام وویل د سعودي عربستان ائتلاف د بندیانو د ناروغه کیدا ، د ناوړه خواړو او د هغوې پرضد د شکنجې د اعمالولو مسول دی .
