د فلسطین د مقاومت کمېټې:
بحریني چارواکې د فلسطین له ولس سره خیانت کړي
د فلسطین د مقاومت د کمېټو د اطلاع رسونې ویاند نیواکي سیمو ته د بحرین د بهرنیو چارو د وزیر د سفر غندنه کړې.
د المیادین په حواله، د فلسطین د مقاومت جګپوری قومندان ابومجاهد اعلان وکړ، د صهیونیستي رژیم سره د اړیکو رغونه او نیواکي سیمو ته د بحریني چارواکو سفر د فلسطینیانو په وړاندې یو ستر جنایت دی.
د بحرین د بهرنیو چارو وزیر عبداللطیف الزیاني د امریکا د بهرنیو چارو له وزیر مایک پمپئو او د صهیونیستي رژیم له لومړي وزیر بنیامین نتانیاهو سره په نیواکي سیمو کې په یوه ګډه خبري ناسته کې وویل: بحرین په منامه کې د اسرائیلو د سفارت د خلاصېدو د غوښتنې سره موافقه وکړه.
د فلسطین د مقاومت د کمېټو د اطلاع رسونې ویاند د صهیونیستي رژیم سره د فلسطین د کورواکي ادارې د امنیتي ږغملتیاو له سر پېلېدا په غبرګون کې وویل: د صهیونیستي رژیم سره همکاري د فلسطیني ولس پر شا باندې د یو خنجر په څېر دی او کورواکه اداره باید په خپله فیصله باندې له سره غور وکړي.
د فلسطین کورواکې ادارې له دې نه مخکې د صهیونیستي رژیم سره د بحرین او د اماراتو د اړیکو د ټینګولو د امله د دغو هیوادونو څخه خپل سفیر راغوښتی و، خو اوس بیرته خپل سفیران دغو دوو هیوادونو ته استولی دی.
