جبهه النصره ډله په سوریې کښې کیمیاوي بریدونه کوي
سانا خبري اژانس وايي د سوریې په حمیمیم اډې کښې د روسیې د پخلاینې د مرکز نائب رئیس فادیم کولیت په ادلب ولایت کښې په ځینو سیمو باندې د سپیین خولیو(White Helmets) په ملګرتیا سره د کیمیاوی حملو د ترسره کولو لپاره د جبهه النصره ترهګرې ډلې د پلان خبر ورکړ .
فادیم کولیت وویل النصره ترهګره ډله د سوریې په ادلب ولایت کښې په «کنصفره» او «قدوره» ښارګیو کښې د سپین خولیو په ملګرتیا سره د کیمیاوی وسلو د حملو د ترسره کولو په حال کښې دي .
هغه وویل مونږ باوري اطلاعات ترلاسه کړي دي چې د جبهه النصره ترهګرې ډلې غړي د کیمیاوي وسلو د یوې (۱) حملې د ویډیو په جوړولو بوخت دي چې له هغه د ملکي وګړو پرضد له زهرجنو موادو په استفادې باندې د سوریې د پوځ د تورونولو لپاره استفاده وکړي .
د روسیې دفاع وزارت په ځلونو په دې هکله ټينګار کړی دی ترهګرې ډلې د سوریې په ادلب ولایت کښې د زهرجنو موادو د جوړولو او برابروولو لپاره لیبراتورونه لري او په اروپا کښې روزل شوي کارپيژاندي او متخصصان دغه لیبراتورونه چلوي.
جبهه النصره وهابي ترهګرې ډلې مخکې هم د سوریې د ملکي وګړو پرضد د کیمیاوي وسلو په ترسره کولو سره کوشش کړی و د سوریې حکومت د دغو بریدونو په ترسره کولو تورن کړي .
