ملګرو ملتو کښې د ایران نماینده:
د ایټمي وسلو د ختمولو لپاره هیڅ لرلید نشته
ملګرو ملتو کښې د ایران نمایندګي: امریکا او انګلستان د هغو ایټمي هیوادونو په سر کښې دي چې د اړوندو زیرمو په زیاتولو سره یې خپلې ژمنې ماتې کړې دي
په ملګرو ملتو کښې د ایران نمایندګۍ ټینګار وکړ چې د ایټمي وسلو د خپراوي د مخنیوي په تړون کښې د بیاکتنې د غونډو پرله پسې ماتې ښودنه کوي چې په بشپړه توګه د ایټمي وسلو د ختمولو هیڅ هیله نشته
په نیویارک کښې په ملګرو ملتو کښې د ایران د اسلامي جمهوریت د نمایندګۍ صلاحکار حیدر علي بلوجي د دغه سازمان د عمومي اسمبلۍ د کمیټې په غونډه کښې د ایټمي وسلو په هکله د ایران د اسلامي جمهوریت وروستۍ لیدتوګې او دریځونه بیان کړل.
هغه څرګنده کړه: په کال ۱۹۴۶ کښې د ایټمي بې وسلې کونې په هکله د ملګرو ملتو د وړومبني پریکړه لیک له صادریدو راهیسې او بیا په ۱۹۷۲ کال کښې د ایټمي وسلو د خپراوي د منعې د تړون په لازم الاجرا کیدو سره نړیوال نظام له ایټمي وسلو د نړۍ د پاکولو په لټه کښې ده خو ایټمي هیوادونو په دې لړ کښې د حقوقي ژمنې له منلو سره سره په عمل کښې د خپلو ایټمي زیرمو په کميتي او کیفیتي پياوړتیا سره نه یوازې په دغې ژمنې عمل نه دی کړی بلکې دغه نه پابندي یې بیخي څرګنده هم ده.
هغه زیاته کړه: امریکا او انګلستان د هغو ایټمي هیوادونو په سر کښې دي چې د اړوندو زیرمو په زیاتولو سره یې خپلې ژمنې ماتې کړې دي.
