امریکا ،اروپا او ناټو د اوکراین په جنګ کښې لاس لري
ایرنا خبري اژانس وايي د روسیې د بهرنیو چارو وزیر سرګي لاوروف د امریکا او د ناټو تړون په شمول لویدیځ هیوادونه د اوکراین په جنګ کښې په لاسوهنې تورن کړل.
هغه وویل لویدیځ ، امریکا او اروپايي هیوادونه اوکراین ته د وسلو په ورکولو او د کي یف د عسکرو په پوځي روزلو سره نیغ په نیغه د اوکراین په جنګ کښې لاس لري.
د روسیې د بهرنیو چارو وزیر سرګي لاوروف دغه راز وویل د اوکراین د انرژۍ په تاسیساتو او نورو مهمو بیخ بنایانو باندې د روسیې د توغندوي حملو هدف د اوکراین د پوځي پوټیشنل کمزوري کول او د لویدیځو هیوادونو د وسلو د پیټیو له لارې څخه غړول دي.
بل خبر دا چې د روسیې دفاع وزارت د دونتسک جمهوریت په اوریخوواتکا سیمه کښې د امریکا د جوړو دوو ریډاري سیسټمونو او د هیمارس توغندیو د تباه کولو خبر ورکړ.
د روسیې دفاع وزارت وویل چې په تیرو دوو ورځو کښې په څو ځایونو کښې د حملې لپاره د امریکا هڅې شنډې کړې شوي او د اوکراین ځواکونو ته زیاتې مرګ ژوبلې واوښتلې.
