چین به په موقعې د بالون دنسکوریدا په اړه امریکا ته ځواب ورکړي
د چین دفاع وزارت د امریکا له خوا د چینی بالون دنسکورولو په غبرګون کې ټينګار کړی دی ،بیجینګ دځان لپاره په دې باب د لازمو اقداماتو دترسره کولو حق محفوظ ساتي.
د امریکا فکس نیوز خبری چینل راپور ورکړی،چې دامریکا پوځ د کارولینا ایالت په سواحلو کې د چین یو بالونو چې له څو ورځو راهسې د امریکا په فضا کې ګرځید ،نسکور کړی دی. د امریکا دفاع وزیر لویډ آستین په دې زمینې کې مدعی شوی چینی بالون چې نسکور شوی ، د امریکا د سټراټژیکو مرکزونو د جاسوسۍ اوڅارنې دموخې لپاره ورڅخه استفاده کیدله .
داپه داسې حال کې دي چې د چین حکومت له دې مخکې وئيلي وو ،هغه بالون چې دامریکا پر فضا الوت کوي،غیر پوځي دی او د هواپيژندنې اوعلمی موخو لپاره ورڅخه استفاده کیږي.
سپوټنیک خبری آژانس راپور ورکړ، دچین دفاع وزارت پرون ناوخته په یوې اعلامیې کې وئيلي دي ، امریکا دچین دغیر پوځي بالون د ټارګټ کولو لپاره له پوځي قدرته استفاده کړې چې ښئ یو افراط پال عمل ئې کړی دی.
له دې مخکې د چین خارجه وزارت د امریکا په فضا کې د چینی بالون په نسکوریدا په افسوس او خپګان ښودلو سره وئیلی وو،بیجینګ د ځان لپاره د ورته مقابلې حق محفوظ ساتي . او امریکاپه دغه اقدام سره دنړیوالو منشورونو دقوانینو جدي خلاف ورزي کړې ده .
