چین د امریکې د دفاع وزیر غوښتنه رد کړه
د چین دفاع وزیر د امریکې د پوځ د جنګي الوتکې له خوا د چیني بالون له نسکوریدو وروسته، د خبرواترو لپاره د خپل امریکايي همرتبه غوښتنه رد کړه
د چین دفاع وزیر د امریکې د پوځ د جنګي الوتکې له خوا د چیني بالون له نسکوریدو وروسته، د خبرواترو لپاره د خپل امریکايي همرتبه غوښتنه رد کړه
تیره شنبه امریکې د دغه هیواد په ختیځو سواحلو کښې په ایف-۲۲ ډوله جنګي الوتکې سره چینايي بالون نسکور کړ. په داسې حال کښې چې امریکایانو دغه بالون جاسوسي بللی دی، چین وايی چې هغه یې د موسمیاتو په لړ کښې د علمي تحقیقاتو لپاره په اسمان کښې الوزولی و.
د چین د دفاع وزارت ویاند د یوې خبرپاڼې په خپرولو سره د پينټاګان له خوا د خبرواترو د غوښتنې د ردولو خبر خپور کړ.
هغه د دغه بالون نسکورول یو غیرمسئولانه کار او ستره تیروتنه وبلله او زیاته یې کړه: د امریکې دغه اقدام د دواړو هیوادونو د پوځونو ترمینځ د خبرواترو او د نظر د تبادلې زمینه خرابه کړې ده.
