په سومالیا کې د الشباب لسګونه ترهګر وژل شوي دي
د سومالیا خبري سرچینو د چهارشنبې په شپه خبر ورکړ چې د دغه هیواد د پوځ په عملیاتو کې د الشباب ترهګرې ډلې ۴۵ غړي وژل شوي دي.
د سومالیا خبري سرچینو د چهارشنبې په شپه خبر ورکړ چې د دغه هیواد د پوځ په عملیاتو کې د الشباب ترهګرې ډلې ۴۵ غړي وژل شوي دي.
د ایرنا په وینا؛ د الشباب ترهګر د دغه هیواد په جنوب کې د «لوی شبلی» په ولایت کې له نړیوالو ملګرو سره د سومالیا د امنیتی ځواکونو په ګډو عملیاتو کې ووژل شول.
ویل کیږي په دې عملیاتو کې چې څه باندې ۱۲ ساعته یې دوام وکړ، د الشباب څو مشران هم وژل شوي دي.
الشباب ترهګره ډله چې د ۲۰۰۴ کال په لومړیو کې یې خپل شتون اعلان کړ، د القاعده ډلې یوه څانګه ده چې په افریقا کې یې د ګڼو ترهګریزو عملیاتو مسوولیت په غاړه اخیستی چې په سومالیا کې یې سلګونه کسان وژلي دي.
دغې ډلې په ځلونو د سومالیا په پلازمېنه موګادیشو کې د افریقايي ټولنې پر حکومتي سرتېرو او سوله ساتو ځواکونو بریدونه کړي او د افریقا په نورو سیمو کې یې هم څو خونړي عملیات کړي دي.
