د افغانستان د شیَعیانو دې په جدی توګه ساتنه وشي
د ملګروملتو دبشری حقوقو ځانګړي رپورټر د افغانستان د بغلان ولایت په پلخمري کې د امام الزمان جومات پر لمونځ ګوزارو د ترهه ګرې حملې په غبرګون کې د افغانستان د اهل تشیّع د جدي تحفظ غوښتنه وکړه.
د ځاي سرچینو د راپور په اساس، پرون دبغلان ولایت په پلخمري ښار کې په امام الزمان جومات په ترهه ګرې حملې کې کابو دیرش لمونځ ګوزار چې د خداي په درګاه کې د جمعې ورځې سربسجود وو شهیدان شوي او کابو شپیته نور هم ټپيان شوي دي.
زمونږ خبریال د صدای افغان خبری آژانس له قوله راپور راکړ، دملګروملتو دبشری حقوقو ځانګړي رپورټر ریچرډ بنټ نن سهار پخپل ایکس پاڼې کې په خپل پیغام کې ولیکل ، دافغانستان د اهل تشیّع د هغې ابادۍ لپاره مخنیونکي، ساتونکي او ځواب ویونکي اقدامات چې هماغه شان ټارګټ کیږي، اړین دي . بنټ دغه حمله محکومه کړې او د قربانیانو له کورنیو سره ئې خواخوږي څرګنده کړې ده .
راپورونه ښئ چې د بغلان د امام الزمان جومات د ترهه ګرې حملې مسئولیّت هم د نورو جنایتونو په شان داعش تکفیری ترهه ګرې ډلې په غاړه اخستی او خپل اصلي هویّت ئې یو ځل بیا رابرسیره کړی دی.
