نتانیاهو لاهم د اسیرانو کورنیو ته پوچې وعدې ورکوي
نتانیاهو د صهیونیسټو اسیران د آزادۍ لپاره یوځل بیا د دروغو ژمنه وکړه خو د دغو اسیرانو کورنۍ له حماس سره د بشپړې موافقې او د ټولو اسیرانو د آزادۍ غوښتنه وکړه.
پرون (یکشنبه)، د اسراییلو لومړي وزیر، د اسراییلو د بندیانو د چارو له مشر ګال هیرش سره یوځای، په غزه کې د اسراییلي زنداني ایتان مور له کورنۍ سره ولیدل او هغوی ته یې له حماس سره د خبرو اترو د پروسې په اړه معلومات ورکړل.
د راپور له مخې، نتانیاهو په دغې کتنې کې وویل چې له حماس سره د لسو بندیانو د خوشې کولو لپاره غیر مستقیمې خبرې اترې روانې دي، خو لا هم خبرې اترې بشپړې شوې نه دي. هغه ټینګار وکړ چې اسراییل د ټولو بندیانو بیرته ستنولو ته ژمن دي.
خو د دې غونډې په جریان کې، د بندیانو کورنیو له حماس سره د یوې موافقې ته د رسیدو په اړه په خپل دریځ ټینګار وکړ او په یو وخت کې یې د ټولو بندیانو د خوشې کولو غوښتنه وکړه.
